🔶ACTIVIDADES NAVIDEÑAS🔷

O NADAL É UNHA BONITA DATA PARA PASAR TEMPO EN FAMILIA E VIVIR GRANDES MOMENTOS XUNT@S. POR ESO,DENDE O DEPARTAMENTO DE ORIENTACIÓN, ESTE ANO DEIXAMOS  UNHA MOREA DE ACTIVIDADES PARA TRABALLAR “O NADAL” COS NOSOS NENOS E NENAS:

• CANTOS HAI?

• LABERINTOS 

• ATOPA AS DIFERENZAS

• QUEBRACABEZAS

• SOPAS DE  LETRAS

• SODOKUS

• RETOS NAVIDEÑOS... 

ELIXE O TEU FAVORITO E FAI CLIC ENRIBA DA IMAXE 👆🏽🟣 PARA DESCARGAR OS DOCUMENTOS

   

              

 

 

ESPERAMOS  QUE VOS GUSTEN!!!

BO NADAL!!

🟧Barquiños🟥

O razoamento é a facultade que permite resolver problemas, extraer conclusións e aprender de maneira consciente dos feitos, establecendo conexións  causais  e lóxicas necesarias entre eles. 

Hoxe imos a  traballar o razoamento lóxico con este xogo de BARCOS, no que  hai que sinalar a fila e a columna na que se atopan as diferentes imaxes situadas na táboa. Fai clic na imaxe para descargar o documento⬇️

E para os maiores propoñemos o clásico xogo de barcos ou barquiños 🛥⛵️. Este  xogo consiste en afundir a frota do adversario. Para iso, debe colocar a súa propia frota de forma estratéxica e atopar e afundir  a frota contraria.Cada un dos xogadores dispón de dous taboleiros ( podedes imprimilo facendo clic na imaxe ➡️ ou debuxalo) que ocultará ao outro xogador: nun debe colocar os seus barcos e no outro irá marcando as coordenadas  que realiza o seu adversario.

Cada xogador debe colocar nun dos taboleiros os seguintes barcos en posición horizontal ou vertical:

🟥 1 barco que ocupa 4 cadros.

🟦 2 barcos de tres cadros

🟧3 barcos de 2 cadros

🟩4 barcos dun só cadro

Os barcos téñense que colocar respectando unha franxa de cadros en branco ao redor. 

Cada xogador dispón dunha quenda que se irá alternando. Para facelo dirá as coordenadas. Por exemplo “ B3”

 O outro xogador comprobará o resultado no seu taboleiro:

⬜️Se a casa está en branco, responderá “auga”.

🟪Se na casa atópase parte dun barco responderá “tocado”. Nese caso

o xogador ten dereito a unha nova tirada na mesma quenda.

🟨Se na casa atópase un barco dun cadro ou a última parte dun barco

xa tocado, responderá “afundido” e tamén ten dereito a unha nova tirada.

Finalmente, gaña o xogador que antes consegue afundir a frota do outro🤗

🟪Memoria visual🟩

A memoria visual é a capacidade de lembrar información que se recibiu  visualmente. Normalmente falamos de recordo inmediato (4-5 segundos), de todos os detalles dun elemento visual e de ser capaz de atopar estes detalles de entre unha selección de elementos. E a memoria  secuencial é a capacidade de lembrar a orde dos obxectos e eventos. Isto implica ser capaz de manter unha imaxe mental dunha secuencia de letras, números, palabras, obxectos, formas, etc. A memoria  secuencial da orde das letras en palabras e a orde das palabras nunha secuencia son importantes para a lectura e a ortografía. Problemas nesta área poden significar dificultades para lembrar as secuencias correctas das letras que compoñen palabras ou frases e así os nenos e nenas poderán:

🟢Equivocarse ao ler palabras.
🟣Ter dificultades para  aprender as letras ou os números.
⚫️Ter dificultades para seguir instrucións ou localización obxectos.

Hoxe deixamos tres actividades para  traballar estos aspectos dunha maneira amena!
Nesta primeira actividade haberá que buscar todos os animais e persoaxes que aparecen ao redor das láminas, fixádevos ben 🧐🤓porque  algúns están moi escondidos🤗🤗
 Fai clic enriba das imaxes para descargar os documentos ⬇️

Na  segunda actividade de hoxe, tras un tempo prudencial de visualización , haberá que retirar o modelo e posteriormente intentar reproducilo sen mirar . Fai clic enriba da imaxe para descargar o documento⬇️

         Nesta terceira actividade observaredes   as imaxes durante uns minutos, despois teredes que dobrar  a páxina pola metade e escribir todo o que lembredes. Fai clic enriba da imaxe para descargar o documento ⬇️

Aquí vos deixamos máis ideas  divertidas para traballar a memoria visual :
🟩Xogos de memoria, por exemplo: atopar parellas con barallas de cartas, xogos de memoria no ordenador ou  tablet.
🟪Completa a imaxe. Mostrar ao neno/a unha imaxe sinxela e logo darlle un debuxo incompleto da mesma imaxe. Deixarlles completar a imaxe usando só a súa memoria.
🟥Mirar un obxecto e falar das súas características. Quitar o obxecto da vista do neno/ae pedirlle que lembre e explique as características que lembre.
🟨Mostrar unha forma e debuxala. Darlle ao neno/a un debuxo incompleto da mesma forma para que o complete usando só a súa memoria.
🟦Atopa as diferenzas. Mostrar ao neno/a  dúas imaxes similares e pedirlle que nomee o que non se atopa nunha das imaxes.
⬛️Xogo de parellas. Con obxectos, formas, letras ou palabras.
⬜️Xogos de observación  espontanea. Pedir ao neno/a que se tape os ollos e pedirlle que lembre, por exemplo, que roupa levamos posta nese momento ? 
🟧Paseos de observación. Pode o neno/a lembrar 4 cousas despois dunha camiñada? Identificar, sinalar ou discutir obxectos, conceptos, accións ou situacións durante o paseo.
🟩Usar un papel para facer un debuxo ou figura xeométrica. Cubrilo e pedir ao neno/a  que o reproduza usando a súa memoria, aumentando gradualmente a dificultade de formas.
🟪Xogo de  Kim. Prepara unha mesa con varios obxectos familiares e pide ao neno/a  que os observe e lembre. Cubrir os obxectos cun trapo e preguntar que hai sobre a mesa. Quitar un e preguntar cal falta.
🟥Ollada rápida a un libro. Abrir un libro preferiblemente con imaxes por unha páxina determinada e pedir ao neno/a que a observe durante uns segundos. Pechar o libro e pedir ao neno atopar a páxina correcta.
🟨Xogo de ortografía. Mira, cobre, lembra, escribe, comproba.

E tamén  ideas divertidas  de actividades de memoria secuencial:

🟩Organizar unha secuencia de obxectos, por exemplo, culler coitelo garfo en orde de tamaño, de pequenas a grandes. A continuación mesturar a secuencia e pedir ao neno/a  organizalos de novo.
🟪Que ocorre despois? Facer con historietas, cómics ou «tarxetas de secuencia ‘de situacións cotiás e pedir ao neno/a para ordenar na orde correcta.
🟥Lembrar a secuencia dunha serie de tres a catro formas  coloreadas.
🟨Secuencias de movemento ou de bólas. Por exemplo, salto, salto, atrapar pelota, botar, lanzar ao aire e aplaudir e logo coller.
🟦Ritmos aplaudindo. Pedir a un neno/a  que copie unha secuencia que facemos primeiro.
⬛️Xogo de ‘o aforcado’ ou xogo  scrabble  junior.
⬜️Axuda para  deletrear. Escribir palabras parcialmente e pedir ao neno/a que as complete. 🟧Facer palabras con plastilina ou papel. 

🟩Escape Room🟪

  🟩DIVERTIDO ESCAPE  ROOM: Encerrados na terra🟪
Un Escape  Room é unha experiencia de xogo onde se vos desafía a saír dunha habitación onde quedastes encerrados.  Para iso deberedes superar unha serie de retos  que vos levarán a atopar a chave que abre a porta de saída. 


Neste Escape Room que presentamos hoxe tedes que liberarvos duns 👽 extraterrestres que viñeron a invadir a Terra 🌎.🔶 Para iso teredes que conseguir abrir a porta dun Ovni (que se atopa pechada) e metelos a todos  nel, e así,  poder mandalos  de volta ao seu planeta Marte. 🔷Para conseguir  descifrar o código que permita abrir a porta,  teredes que resolver catro  pistas realizando unha serie de operacións con restas, divisións  ou con números romanos entre outras, que se vos van plantexando. 

  

Estades preparados para xogar?Fai clic enriba do extraterrestre para descargar o xogo completo⬇️⬇️ 

🟪Simetrías🟩

Hoxe presentamos unhas actividades que  axudan aos nenos e nenas a entender a idea de  simetría  e a recoñecer e debuxar  figuras simétricas respecto dun eixo. Ao realizar estas actividades están a desenvolver habilidades de:

🟪Coordinación  motriz fina.

🟧Viso-percepción de formas

           🟦Percepción de posicións relativas

                         ⬛️Construción de estratexias: ensaio e erro.

Fai clic enriba das imaxes para descargar os documentos⬇️⬇️

Para os nenos e nenas  de Infantil tamén propoñemos estas simetrías divertidas ⬇️⬇️⬇️⬇️⬇️

⬇️ Lince ⬇️

 Hoxe propoñemos dous  xogos moi divertidos inspirados no clásico Lince que permite exercitar 
a atención, a memoria, a discriminación visual e  o vocabulario entre outros moitos aspectos.

♥️O primeiro xogo ‘BUSCA E ATOPA’ trátase dunha lámina chea de imaxes de distintos obxectos e tarxetas recortables que nos  din o que debemos buscar. Fai clic enriba dela para descargar o documento completo ⬇️⬇️⬇️

🔶En función da idade, poderase aumentar  a súa dificultade complicando as búsquedas ou ben   limitando o tempo das mesmas🤓. As tarxetas que presenta este xogo dannos tres tipos de ordes: 
1- Buscar obxectos a partir dun debuxo
2- Identificar obxectos a partir dunha descrición escrita
3- Escribir palabras que conteñan algunhas letras determinadas, aquí poderemos complicar o enunciado pedindo que escriban frases con esas palabras 🤓

           

♥️O segundo xogo que propoñemos está máis adaptado  os nenos e nenas de Infantil. 🤗Igual que no anterior, trátase dunha lámina chea de imaxes de diferentes obxectos e tarxetas recortables que haberá que identificar na lámina. Unha vez identificadas colocaremos as tarxetas enriba do obxecto identificado e así ata rematar todas as tarxetas. Fai clic enriba da imaxe para descargar o documento completo ⬇️⬇️

Quebracabezas de dinosaurios

Hoxe propoñemos unha actividade 

matemática que consiste en 
recortar polas liñas estos 
divertidos dinosaurios 🦕🦖
e pegalas nunha superificie 
ríxida como pode ser cartón ou 
cartolina, así crearedes os vosos 
propios quebracabezas .
🔸Fai clic aquí para descargar 10 dinosaurios diferentes.
Collede as tesoiras  e o pegamento  
e só tedes que poñer as pezas na 
súa orde correspondente para crear 
o quebracabezas. ✂️ ✍🏼🦖

Xogo de agudeza visual

                                   Cantos animais hai?

Nesta actividade de hoxe combinamos dous aspectos fundamentais que hai que exercitar desde idades temperás: o cálculo e a atención. O primeiro deles, o cálculo, é a base da competencia matemática e necesario para desenvolver coñecementos matemáticos máis complexos como as sumas ou as restas. Doutra banda, a atención; xoga un papel fundamental no proceso de aprendizaxe así como no propio rendemento académico d@s alumn@s.

🔵 Este xogo consiste en contar os animais que se indican, aínda que tamén  podedes introducir algunha dificultade e engadir operacións como sumas ou restas dos  diferentes tipos de animais:

🦐+🐟=. 🐋-🐠=

Fai clic enriba das imaxes para descargar o documento completo👆🏻

Sudokus

O  sudoku é un xogo de lóxica matemática popularizado polos

Xaponeses que resulta excelente para a estimulación cerebral. Entre os beneficios de resolver  sudokus máis importantes atopamos:
🔵Estimula a mente e os patróns de pensamento.
🟢Reforza a memoria.
🟣Exercita a capacidade de razoar.
🔴Eleva a velocidade de procesos mentais.
🟠 Axuda a concentrarse.
O xogo consiste en colocar números consecutivos en calquera orde sobre o  sudoku, de forma que non se repita ningún deles nin na fila vertical nin na fila horizontal.
Para o  sudoku (3x3) os números para colocar serán: 1, 2 e 3.
Os números do  sudoku de dificultade media(4x4) serán: 1, 2, 3 e 4.
Fai clic na imaxe para imprimir o sudoku 👆🏻🤗

Labirintos numéricos

Hoxe toca compatir unha divertida  colección de labirintos numéricos para exercitar a atención 🤔🧐 na primeira serie, para alumnos de infantil, hai que seguir a serie do 1 ata o 16
 para unir o debuxo de 
arriba co de abaixo
empezando e acabando pola frecha vermella.
Fai clic enriba da imaxe para imprimir o contido➡️

As fichas de labirintos son unha gran opción
á hora de traballar a  atención e concentración.
Ademais ao  ser labirintos de números
exercítase a competencia matemática a través
das series numéricas.

 Nesta segunda serie de labirintos numéricos ,  para alumnos de primaria, continuamos a traballar a atención e a competencia matemática  contando de un en un e de dous en dous. 
          Fai clic enriba das imaxes para imprimir o contido ⬇️

XOGAMOS A RECOÑECER AS EMOCIÓNS?

Pinchando na imaxe das cariñas atoparás un enlace á unha páxina con varios xogos gratuitos para coñecer e identificar as emocións!

COMEZAMOS?

Para saber mais das emocións podes ver a CATEGORÍA EMOCIÓNS neste blog.

Tangram

O  tangram é un xogo ancestral chinés que consiste en formar formas de animais ou cousas a partir de figuras xeométricas, podía considerarse un tipo de crebacabezas moi sofisticado. Existen moitas e variadas formas de xogar co  tangram e podemos usalo formando figuras inventadas ou seguindo patróns dados para formar figuras segundo o modelo. 
 Son moitos os beneficios deste xogo:

1. Mellora o coñecemento da xeometría plana
2. Fomenta a  motricidad fina
3. Mellora a capacidade viso-espacial
4. Desenvolve o coñecemento lóxico-matemático
5. Mellora a atención
6. Estimula a creatividade
7. Fomenta a capacidade de esforzo e concentración
8. Estimula a memoria visual

Hoxe propoñemos que creedes o voso tangram e formedes as seguintes figuras de animais. Facede  clic enriba da imaxe para imprimir o documento👇⬇️:

Xogo de dinosaurios

Hoxe deixámosvos esta Lámina para traballar o desenvolvemento cognitivo a partir dunha serie de instrucións  coas que debemos atopar os  pictogramas correctos.
Con este material, podemos traballar distintos contidos como a atención, a concentración, a memoria, a discriminación  auditiva, o léxico, a  semántica e a comprensión e expresión oral. Fai clic enriba da imaxe para acceder ò contido en PDF👇⬇️

Tutti Frutti

           Hoxe propoñemos un Tutti Frutti de substantivos 🤗

O Tutti Frutti é un gran entretemento, que ademais axuda a repasar e aprender. Achegámosche esta táboa para que dunha maneira  divertida poidas repasar os substantivos.  Poderase adaptar o seu contido reducindo ou modificando categorías, agregarlle límite de tempo para facelo máis emocionante ou tamén poderás introducir variantes, como por exemplo , a posibilidade de consultar o diccionario entre outras moitas que se che ocorran. 

Preparados....listos.....✅  comezamos !!!

1. Recorda que cada palabra=1PUNTO

2. Se xogades en familia, eleximos  letra por turnos en función de intereses, do azar...( recordade que en clase metíamos todas as letras do abecedario nun saquiño e cos ollos  cerrados 🙈 sacábamos unha, eso sí , se nos tocaba  a W volvíamos a sacar😉)

3. A escribir palabras que empecen por esa letra 👏 

                                      Substantivos

Letra.Puntos	COMÚN	PROPIO	INDIVIDUAL	COLECTIVO	CONCRETO	ABSTRACTO
A— 6	auga	Ana	astronauta	arquipélago	árbore	amizade
—
—
—
—
—
—
—
—

 Recorda que o máis importante deste xogo é👇⬇️🤗

ORDENAR SECUENCIAS

Cando contamos un conto o unha historia ordenamos o que pasa, dicimos o que pasou ao principio, como seguiu e como rematou.

Primeiro...

Despois...

Ao final...

Na seguinte actividade que vos propoñemos temos historias desordenadas. Preme na imaxe e ordena as secuencias.

Autor pictogramas: Sergio Palao Procedencia: ARASAAC (http://arasaac.org) 

Licencia: CC (BY-NC-SA) Propiedad: Gobierno de Aragón

O SUBSTANTIVO

Hoxe imos a repasar os substantivos que son as palabras que identifican obxectos, animais, persoas, sentimentos ou ideas. Pódense agrupar nos seguintes tipos:

Agora clasificade vós os seguintes substantivos seguindo o exemplo🤗:

	COMÚN	PROPIO	INDIVIDUAL	COLECTIVO	CONCRETO	ABSTRACTO
músico	X		X		X
Lucas
ilusión
colmea
amor
zapato
bandada
mesa
carballeira

No seguinte vídeo explícannos moitas cousas divertidas do substantivo, esperamos que vos guste 🤗 🤗