CAMBIO DE ETAPA: INFANTIL --) PRIMARIA

PAUTAS ÁS FAMILIAS

Enviade mensaxes positivas sobre a nova etapa.

• Faládelle da nova etapa con mensaxes de ilusión e de posibilidades.

• Podedes resaltar todo o que vai aprender, as novas asignaturas e os seus contidos, desde unha visión positiva.

Nunca lle deades unha visión negativa.

Xunto coa pauta anterior, debedes evitar mensaxes negativas do tipo "xa verás cando empeces primeiro"  ou profecías negativas: "si segues así vas a suspender e terás que repetir". Este tipo de comentarios ou ameazas non adoitan mellorar o comportamento ou as  actitudes, ao contrario, adoitan empeorar as cousas e non son a mellor forma de corrixirlles.

Anticipade de forma realista os acontecementos.

• Conforme se vaia achegando o momento de incorporarse, é adecuado anticiparlle os acontecementos de xeito realista.
• Por exemplo, que vai seguir con algúns dos seus compañeiros, que vai cambiar de titor, que terá máis profesores, outras asignaturas...
• Quitádelle importancia aos rumores ou comentarios negativos sobre as novidades que vai ter.

Deixade sempre que exprese os seus medos e preocupacións.

Algúns nenos viven con preocupación e ansiedade este momento de cambio e novidade. Ademais das medidas anteriores, facilitade que se exprese e que manifeste os seus temores. Escoitádeo sen criticar, sen xulgar e sen quitar importancia. Intentade razoar e afrontar os temores de xeito realista. 

• Fomentade a súa autoestima.
• Confiade nel. Moitas veces os pais/nais dubidan das capacidades e da preparación dos seus fillos/as. Este sentimento é transmitido inconscientemente aos nenos/as. 

Os primeiros días de clase

• Estade especialmente atentos os primeiros días de clase aos seus comentarios, actitudes e estados de ánimo.
• Vivide e compartide co neno/a eses primeiros días intentando transmitir ilusión: revisando os novos libros, adquirindo o material para o novo curso...
• Animádelle desde o principio a dedicar un tempo diario ao traballo escolar en casa. Será a mellor medida para que teña a sensación de que pode controlar e dominar a situación.

Dificultades especiais

• Si o voso fillo/a ten especiais dificultades non debedes preocuparvos. Esta información pásase aos novos profesores e desde o comezo, téñense en conta por si necesitase algún tipo de apoio educativo.
• En todo caso, é conveniente que canto antes fixedes unha entrevista co seu novo/a titor/a para tratar o tema: se o voso/a fillo/a ten un informe psicopedagógico, as dificultades que presenta,...

Acudide ás reunións e mantede contacto co seu titor/a 

Hai unha reunión informativa coas familias para informar do comezo de curso e da organización do grupo. É de suma importancia que acudades a esa reunión, que vos informedes e preguntedes polas dúbidas que creades convenientes. Para os nenos tamén é un signo de que aos seus pais interésanlles os seus estudos.

Procurade manter unha entrevista co seu titor/a. Nesa entrevista poderedes coñecer de primeira man a adaptación do voso fillo ou filla á nova etapa, poderedes informar dalgún aspecto que deba ter en conta e recoller as pautas que vos faciliten.

FONTE: Jesús Jarque.

FAMILIAS. CAMBIO DE ETAPA 6º EP--) E.S.O.

A NOSA FUNCIÓN, COMO PAIS/NAIS/TITORES LEGAIS, NON É FACER OS DEBERES OU PREPARAR A MOCHILA OU INCLUSO SENTARME CON EL/ELA MESTRAS TRABALLA, SENON SUPERVISAR QUE EL /ELA O FAGA.

Debemos revisar, controlar pero adaptado a súa autonomía. Por iso é importante preguntarnos:

·       É capaz de sentarse sen que estea eu detrás?

·       É capaz de estar só e concentrad@?

·       Cando se pon a estudar dispón de todo o necesario para estudar?

·       Leva a escola os libros e as libretas?

·       Anota na axenda o que ten que estudar ou os deberes?

·       É capaz regular o seu ocio( ordenador, internet, tablet….)?

As respostas á estas preguntas axudarannos a ver onde temos que axudar aos nos@s fill@s.

DADO QUE A NOSA FUNCIÓN É A SUPERVISIÓN, E DEPENDENDO DE QUE TAN AUTÓNOMOS SEXAN OS NOSOS FILLOS/AS, DEBEMOS CONTROLAR OS SEGUINTES ASPECTOS:

• ·      Axenda dicirlle cando chegue á casa que nos ensine a axenda, onde ten que estar anotados os exercicios e tarefas a realizar. Se non tivera exercicios que facer, preguntarlle polo que fixo na clase e que repase o dado, estude para próximos exames, ou lea.
• ·      Pola noite despois de cear, ou unha vez que acabe o momento do estudo dicirlle que antes de terminar de estudar e poder pasar a unha tarefa de ocio (ver a TV; consola….) ten que facer e preparar a mochila. Para o que terá que mirar que lle toca o día seguinte e preparar todo o que necesita.A mochila e a súa preparación é cousa de el ou ela. A nosa función é recordarlle que a prepare e revisar se a ten preparada, non prepararlla nós.
• ·     Cando chegue de clase debemos de preguntarlle que tal lle foi o día e que nos explique o que ten que facer pola tarde. Non se trata de facer os deberes e estar sentados con el, nós podemos estar facendo as nosas cousas, pero si que debemos sentarnos con el para ver que ten que facer, antes de que el ou ela se poña a estudar. Eles teñen que ver que nos preocupamos por eles. Iso si, que este momento non se converta nun interrogatorio. Recordade que dentro de pouco entrarán na adolescencia e faranse moito máis reservado@s, e debemos respectar a súa intimidade.
• ·     Coordinación coa escola. Non só cando vaian a vir as notas , senón ao longo do curso.
• ·      Controlar os momentos de ocio e de dedicación ás novas tecnoloxías. O momento de televisión e de ordenador/tablet, consola… ten que estar estipulado e controlado. Máis de media hora cada día durante a semana coa consola e xogando no ordenador non debería consentirse.
• ·       Mesmo lugar de estudio, co material necesario.
• ·       Mesma hora, fixada nun horario.
• ·       Planificación das tarefas: antes de sentarse a estudar é importante, se vemos que el /ela non sabe por onde empezar, que lle axudemos a organizar as súas horas de estudio. É importante empezar por actividades de dificultade media, logo as máis difíciles e por último as máis doadas para el/ela.
• ·       ESTUDAR PRIMEIRO A TEORÍA E LOGO FACER A PRÁCTICA, porque a medida que levamos un rato traballando a nosa atención diminúe.
• ·    DESCANSA: entre tarefa e tarefa é importante que se tome un descanso (10 minutos).
• ·    NORMAS CLARAS, REALISTAS E COHERENTES. Os castigos teñen que ser proporcionais as condutas feitas e sobre todo realistas. E intentar non ceder, despois de dicir non. Recorda: cada ameaza ou promesa non cumprida estamos a perder autoridade.
• ·     ESTAR ATENT@ AOS CAMBIOS DA PUBERTADE: Isto implica cambios físicos (preocupación polo aspecto, ritmo de crecemento, cansazo, apatía...); cambios psicolóxicos (cambios bruscos de humor, e abandonan de moitas das actividades que facían coa familia); e cambios sociais (rebeldía, importancia dos amigos ….) TODO ISTO FAI QUE NALGÚNS MOMENTOS AS RELACIÓNS SEXAN DIFÍCILES.

TÉCNICAS DE ESTUDIO

COMO APRENDER A ESTUDIAR:

COMO TOMAR BÓS APUNTES EN CLASE:

ENLACE: COÑECE O MÉTODO DE ESTUDIO

RESUMO:

CONSELLOS ÁS FAMILIAS:

• IMPORTANCIA DUN BÓ LUGAR DE ESTUDIO.
• DAR RESPONSABLIDADE E CONFIANZA AOS FILLOS/AS.
• SUPERVISAR O SEU TRABALLO AO PRINCIPIO.
• IR DEIXANDO MAIS AUTONOMÍA.
• NON FACER POR ELES O QUE ELES TEÑEN QUE REALIZAR.
• AXUDARLLES, AO FINAL, SE O PRECISAN. NON SEN ANTES DEIXAR QUE O INTENTEN, E SE EQUIVOQUEN. DOS ERROS APRÉNDESE.
• ANIMAR SEMPRE, CONFIAR NAS SÚAS POSIBILIDADES E TRANSMITÍRLLELO. REFORZO POSITIVO!